Granit Xhaka, Kapitani i kombëtares së Zvicrës, është në fokus të klubeve të Serie A, pas dështimit të një mundshëm transferimi te Milani. Sipas Gazzetta dello Sport, Juventusi ka futur 32-vjeçarin në listën e objektivave të merkatos verore.
Deri në 15 milionë euro është çmimi i mundshëm për transferimin e mesfushorit të Bayer Leverkusenit. Kjo shumë është e arsyeshme për përvojën dhe nivelin që ofron Xhaka, i cili sezonin e kaluar shkëlqeu në Bundesliga dhe në Europa League.
Megjithatë, një lëvizje e tillë varet nga e ardhmja e Douglas Luiz, i cili pritet të largohet nga Juventusi. Vetëm pas shitjes së brazilianit, Juventusi mund të konkretizojë interesimin për Xhakën.
Në listën e dëshirave të kampionëve italianë të rekordeve ndodhet edhe mesfushori i Newcastle United, Sandro Tonali. Megjithatë, përvojat e Xhakës në Premier League, Bundesliga dhe turnetë ndërkombëtarë e bëjnë atë një alternativë të fortë për të përforcuar mesfushën e Juventusit.
