Kader Kicaj, ekuatori i Big Brother VIP Kosova 2, ka shprehur në një emision të “Prive” me Liberta Spahiun, se nuk do të japë një shans të tretë për të rikthyer lidhjen e saj me Lumbardh Salihun.
Një komentues i kishte shkruar: “Jepe një shans të dytë, provoje fatin dhe bashkohu”, duke e nxitur Kaderin të reflektojë mbi të kaluarën dhe mundësinë e ndonjë pajtimi të mundshëm me ish-partnerin. Megjithatë, reagimi i saj ishte i prerë dhe i qartë.
“Unë kam dhënë shumë shansë, edhe nuk besoj se duhet të jem ende i bindur për një shans të tretë”, tha Kader, duke nënkuptuar se tashmë e ka bërë përpjekjen e saj për të shpëtuar marrëdhënien dhe nuk ka më hapësirë për kthim pas.
Ajo e krahasoi idenë e një rikthimi me leximin e një libri, një metaforë që tërhoqi vëmendje. “Si me ia nis me lexu një libër për të tretën herë edhe një herë, rreshtat, fjalët e njëjta, veç me i kalu”, shtoi bukuroshja nga Prizreni.
Kader dhe Lumbardhi ishin një ndër çiftet më të përfolura gjatë kohës së tyre në shtëpinë e Big Brother VIP Kosova, ku publiku i ndoqi me kuriozitet zhvillimet e raportit të tyre. Edhe pas përfundimit të spektaklit, marrëdhënia e tyre mbeti temë diskutimi në media dhe rrjete sociale, mes aludimeve për një rikthim të mundshëm.
