Tirana – Immediat bashkëpunim me partnerët në Emiratet e Bashkuara Arabe për të lokalizuar dhe ekstraduar shtetasit shqiptarë të shpallur në kërkim ndërkombëtar, që synojnë të fshihen drejtësisë shqiptare.
Duke u bazuar në një bashkëpunim solid, realizuar nëpërmjet Interpol Tiranës dhe Interpol Abu Dhabit, në kuadër të operacionit ndërkombëtar “The Wanted”, u finalizuan procedurat për ekstradimin në Shqipëri të dy shtetasve shqiptarë, të shpallur në kërkim ndërkombëtar.
D. D., 40-vjeçari, është akuzuar për kryerjen e krimeve të rënda, duke përfshirë vrasjen e tre shtetasve në vitin 2018 dhe vjedhjen me armë në vitin 2019. Ai gjithashtu është dënuar për mbajtjen pa leje dhe prodhimin e armëve. Dënimin e tij i kanë mbetur për të vuajtur 1 vit e 4 muaj burgim.
A. S., 36-vjeçari, është akuzuar për pastrimin e parave të shtetasve të dyshuar të përfituar nga veprimtari kriminale. Ai u kap nga policia e Dubait, si rezultat i sigurimit dhe shkëmbimit të shpejtë të informacioneve.
Dy shtetasit u ekstraduan nga Dubai në Shqipëri, në kuadër të operacionit ndërkombëtar “The Wanted”.
