Imazhi juaj të paraqitur në sekondat e para është i rëndësishëm
Që në momentin e paraqitjes, njerëzit formojnë një opinion për karakterin, qendrimin dhe besueshmërinë tuaj. Këto përshtypje të shpejta mund të kenë një ndikim më të madh sesa mendoni: ata mund të përcaktojnë nëse dikush do të dëshirojë të bashkëpunohet me ju, të bëhet mik apo edhe partner në një lidhje personale apo profesionale.
Për këtë arsye, momentet e para kur prezantoheni janë vendimtare, një rast që nuk përsëritet lehtë. Ja disa hapa praktikë që mund t’ju ndihmojnë të fitoni simpatinë dhe besimin e të tjerëve në çastet e para:
1️⃣ Hapuni fizikisht dhe emocionalisht
Qëndrimi i hapur është një mesazh i parë që trupi juaj përçon, shpesh edhe pa folur. Ekspertët e gjuhës së trupit sugjerojnë që kraharori të jetë i kthyer nga personi që keni përballë, pa e mbuluar me duar të kryqëzuara ose gjeste mbrojtëse. Nëse mbani xhaketë, është më mirë ta hapni ose zbërtheni.
Ky detaj i vogël tregon qasje miqësore dhe siguri në vetvete. Sipas psikologëve, njerëzit e hapur konsiderohen më të besueshëm dhe më të afrueshëm.
2️⃣ Krijoni kontakt të natyrshëm me sy
Kontakti vizual është një ndër sinjalet më të forta që tregojnë respekt, vëmendje dhe siguri. Merrni iniciativën që ta mbani shikimin te bashkëbiseduesi, por mos e teproni – vështrimi i pandërprerë mund të duket imponues ose i pakëndshëm. Rregulli i artë është: mbani kontakt të drejtë dhe miqësor, pastaj largoni shikimin për pak çaste dhe rikthejeni natyrshëm.
3️⃣ Mos kurseni buzëqeshjen
Një buzëqeshje e sinqertë është më shumë se mirësjellje, është urë lidhëse mes dy personave. Psikologët e komunikimit theksojnë se buzëqeshja ul menjëherë tensionin dhe e bën tjetrit të ndiejë afërsi dhe qetësi. Mundohuni të jeni ju personi që buzëqeshni i pari, është një sinjal i fortë se jeni të hapur për bashkëpunim apo miqësi.
4️⃣ Tregohuni të kujdesshëm me tonin e zërit dhe fjalët
Përveç gjuhës së trupit, edhe mënyra si flisni ka ndikim të madh. Përdorni një ton të qetë, të ngrohtë dhe të sigurt. Mos flisni shumë shpejt dhe përpiquni të dëgjoni me vëmendje kur tjetri flet. Pyesni gjëra të vogla, jepni sinjale se jeni i interesuar për bisedën, kjo krijon lidhje emocionale që në minutat e para.
Mbani mend detajet
Nëse keni mundësi, kujtoni dhe përmendni një detaj të vogël nga prezantimi: emrin, profesionin apo diçka që ju tregoi tjetri. Kjo i bën njerëzit të ndihen të vlerësuar dhe të dëgjuar.
Nuk ka ndonjë magji për të bërë që të gjithë t’ju pëlqejnë menjëherë
Nuk ka ndonjë magji për të bërë që të gjithë t’ju pëlqejnë menjëherë, por këto gjeste të vogla, të natyrshme dhe të sinqerta mund t’ju ndihmojnë të lini një përshtypje të mirë dhe të hapni derën për një marrëdhënie të shëndetshme, qoftë miqësore, profesionale apo romantike.
