Imazhi i Izraelit në mbarë botën është në një situatë të vështirë, pas sulmeve të intenzive kundër Iranit. Për këtë arsye, Izraeli ka vendosur të mbyllë përkohësisht të gjitha ambasadat e tij në mbarë botën, duke përfshirë edhe atë në Tiranë.
Ambasada izraelite njoftoi në një deklarate zyrtare se të gjitha shërbimet konsullore do të ndalohen, pa dhënë një afat për kur do të rikthehen në funksionim.
Autoritetet izraelite kërkuan nga qytetarët jashtë vendit të tregojnë kujdes të shtuar dhe të shmangnin shfaqjen e simboleve hebraike apo izraelite në vende publike për shkak të rrezikut në rritje.
Është sugjeruar që në rastet e emergjencave, kontakte të bëhen dhe rekomandimet apo udhëzimet përkatëse të verifikohen.
“Në dritën e zhvillimeve të fundit, misionet izraelite në të gjithë botën do të mbyllen dhe shërbimet konsullore nuk do të ofrohen. Izraelitët jashtë vendit mund të përdinë një formular online për të raportuar vendndodhjen dhe statusin e tyre aktual. Kjo do të ndihmojë Ministrinë e Punëve të Jashtme të qëndrojë e përditësuar”, thuhet në një njoftim.
Është kërkuar që në rast emergjence ose fatkeqësie, kontakte të bëhen menjëherë me Dhomën e Situatave të Ministrisë. Rekomandimet e Këshillit të Sigurisë Kombëtare dhe udhëzimet e përgjithshme të sigurisë për izraelitët jashtë vendit duhet të verifikohen.
Këshillat:
-Shmangni shfaqjen e simboleve hebraike ose izraelite në hapësirat publike.
-Përmbahuni nga postimi i detajeve të identifikueshme në lidhje me vendndodhjen ose planet tuaja të udhëtimit në mediat sociale.
-Shmangni pjesëmarrjen në tubime të mëdha ose ngjarje të lidhura me Izraelin ose komunitetet hebraike.
-Bashkëpunoni me forcat lokale të sigurisë dhe ndiqni udhëzimet e tyre menjëherë nëse ekspozoheni ndaj aktivitetit armiqësor.
-Qëndroni vigjilentë shtesë në vendet publike.
-Në rast emergjence, kontakte të bëhen me misionin në vendin e banimit duke përdorur numrat e emergjencës që shfaqen në faqen “Na Kontaktoni”.
