Policia ka ngritur padi penale për veprën terrorizëm ndaj pesë personave, të dyshuar për vrasjen e pesëfishtë në Smillkovcë të Shkupit. Ministrja e Brendshme Gordana Jankullovska tha se vrasjen e pesëfishtë e kanë kryer 3 persona ndërsa dy të tjerë kanë asistuar në vrasjen e pesëfishtë. Tre prej pesë personave që dyshohet se kanë kryer veprën, Jankullovska tha se janë kapur në aksionin ‘Monstrum’ ndërsa dy të tjerë ndodhen në arrati.
“Padi penale për terrorizëm është ngritur ndaj 5 personave. Ata 5 persona ngarkohen për veprën terrorizëm. Prej këtyre pesë personave, dy janë në arrati”, deklaroi Gordana Jankullovska, ministre e brendshme.
E pyetur se cili ishte roli i femrave të arrestuara, në mesin e të cilave edhe një e moshuar 60 vjeçare, Jankullovska me përgjigje se terrorizmi nuk njeh gjini.
“Historia e kriminalistikës, historia e shkencës që merret me vepra penale nuk bën dallime mes asaj a është mashkull apo femër gjatë kryerjes së veprës penale. Statistika tregon se edhe meshkujt edhe femrat paraqiten si kryerës në të gjitha veprat penale dhe mund të paraqiten si të dyshuar për gjitha veprat penale. Do të thotë roli i të gjithë personave të arrestuar është rol i personave të dyshuar për kryerjen e veprës penale”, u përgjigj Gordana Jankullovska, ministre e brendshme.
Jankullovska nuk dha përgjigje nëse ndonjëri nga të arrestuarit, ka pranuar se ka kryer vrasjen e pesëfishtë, ndërsa sqaroi versionin e policisë se si është kryer vrasja e pesëfishtë.
“Sipas njohurive që kemi deri tani, tre të arrestuarit më 12.04.2012 rreth orës 20:00, në afërsi të fshatit Smillkovcë, në vendin e quajtur ‘Liqeni I Smillkovcës’, me marrëveshje paraprake, me përdorimin e armëve të zjarrit( 2 pushkë automatike dhe një pistoletë), kanë vrarë pesë djemtë, pas çka me veturën e tipit ‘Opel Omega’ ngjyrë të errët të kuqe, e kanë lëshuar vendin e ngjarjes dhe janë larguar në afërsi të vendit të quajtur ‘Vrazhi Vir’ dhe e kanë lënë veturën”, tha Gordana Jankullovska, ministre e brendshme.
Pas kryerjes së veprës, sipas Jankullovskës ndihmësit u kanë siguruar strehim dhe u kanë ndihmuar ilegalisht ta kalojnë kufirin në drejtim të Kosovës. Ministrja tha se në shtëpinë e 60 vjeçares në fshatin Hotël policia ka sekuestruar armatim, të cilin sipas saj e kishin shfrytëzuar anëtarët e grupit kriminel. Edhe pse ende nuk ka përfunduar procedura hetimore, prokurori i përgjithshëm Lubço Shvërgovski ka thënë se do të kërkojë dënim maksimal për kryerësit e veprës së pesëfishtë.
“Ligji është shumë rigoroz. Bëhet fjalë për lloj më të rëndë të veprës penale- terrorizëm, për cilën parashihet dënim maksimal, burg të përjetshëm. Shpresoj se policia në bazë të dëshmive biologjike dhe materiale do të përpilojë padi penale kualitative, të cilën do të mund ta procesuojmë në afatin sa më të shpejtë”, ka thënë prokurori i përgjithshëm Lubço Shvërgovski.
Jankullovska njoftoi se gjatë aksionit policor, në të cilin morën pjesë 800 pjesëtarë të policisë janë sekuestruar pushkë automatike, pistoleta, municion si dhe disa embleme të Ushtrisë Çlirimtare Kombëtare. Shkëlzen Aqifi Alsat-M

“100 milionët mund të bëhen mollë sherri për t’u ndarë nga Ermali”
Është një baba që nuk e konsideron vajzën e tij të vogël, përderisa i ka kaluar të 18-at. Tashmë që loja në “Big Brother 5” po arrin kulmin, ai kërkon diçka më shumë prej saj…. Ambicia e tij është që ajo të fitojë 100 milionët, qëllimi për të cilin ka hyrë në këtë lojë. Dhimitraq Jaçe rrëfen se sa jetëgjatë e sheh lidhjen e saj me Ermalin, dhe zbulon pasionin e Françeskës për paratë, përtej dëshirave të saj për karrierë të mundshme si juriste.
Kemi parë një dedikim të Françeskës për Ermalin, në 25-vjetorin e tij. I shkruante “Të dua!” Mendon se në këtë lidhje ajo bën gjithmonë më shumë për Ermalin, sesa ai për të?
Unë mendoj se ato çfarë ka shprehur Françeska ndaj Ermalit në atë dedikim, janë fjalët e saj të zemrës. Atë ka ndier dhe atë ka bërë, e në këtë kuptim s’ka asgjë të keqe për të menduar se ajo bën më shumë për të. Nëse do kishte qenë jashtë shtëpisë, do të kishte bërë shumë më shumë për Ermalin. Ju siguroj, kështu është tipi i saj.
Ka pasur mjaft skeptikë që kanë vënë në dyshim sinqeritetin e kësaj lidhjeje. Ti në rolin e babait i beson dashurisë së Ermalit ndaj vajzës suaj, si e komenton sjelljen e tij?
Çdo prind dëshiron të besojë në dashurinë e vërtetë të palës tjetër ndaj fëmijës së tij, por asnjëherë ne nuk mund të flasim me garanci. Për mendimin tim, Françeska ka hyrë në lojën e “Big Brother” për të fituar, dhe lidhja e saj me Ermalin ishte diçka që doli rrugës. Unë mendoj se Françeska në lidhje me Ermalin po bën atë që ndien, është e sinqertë dhe në këtë pikë ajo nuk po luan. Po ashtu, për sa i përket Ermalit, besoj që dhe ai ndien të njëjtën gjë. Megjithatë, kjo sërish është një pyetje shumë e vështirë për një baba.
Ka komente se ai po e luan bukur pjesën me Françeskën për të fituar sa më shumë pikë në lojë… Ke menduar ndonjëherë dhe ti kështu?
Me aq sa unë shoh në sjelljet mes tyre, mendoj se ata kanë rënë në dashuri tmerrësisht me njëri-tjetrin.
Çfarë mund të ndodhë që lidhja e tyre në rastin më të keq mund të pësojë krisje brenda lojës?
Mendoj që është momenti final i lojës së “Big Brother 5”, që mund të ndryshojë diçka mes tyre. Për 100 milionët nuk është çudi që ata të dalin kundërshtarë ndaj njëri-tjetrit, pasi jeta e ka vërtetuar që paraja i ndan njerëzit. Pavarësisht nga ndjenja që u ka lindur në bashkëjetesën e tyre në këtë garë, lufta për të fituar paratë mund t’i kthejë papritur në rivalë, aq sa mund ta zbehë ndjenjën mes tyre. E them këtë duke qenë me këmbë në tokë, pasi në fund të fundit ata kanë hyrë për ato 100 milionë, dhe për asnjë arsye s’do të heqin dorë nga qëllimi fillestar.
Është Françeska e dhënë pas parasë, deri tani ajo është udhëhequr në jetë nga emocionet apo nga llogaritë?
Françeska e ka primare paranë në jetën e saj, në kuptimin që e kërkon me ngulm për të jetuar mirë në të përditshmërinë e saj, e të mos i mungojë asgjë. Por nëse do bëhej fjalë për ndjenjat, kam përshtypjen se ajo kërkon një të mesme të artë. Françeska kërkon të ketë afër personin që e do me zemër, dhe ndërkohë ai njeri të jetë i shkathët dhe i zoti për të fituar para.
U fol shumë për një ish-të dashurin e saj, që ndodhet aktualisht në burg. Ç’mund të thuash?
Ishte vetëm një sajesë nga Françeska për të bërë xheloz Ermalin, që më pas u komentua në faqet e shtypit. Ermali është i pari në jetën e Françeskës dhe këtë e them me bindje. Janë keqkuptuar shumë njerëz në lidhje me një ish-të dashurin e vajzës që është në burg, por ju siguroj që nuk ekziston një gjë e tillë.
Tashmë që ajo e ka nisur një lidhje me Ermalin, çfarë drejtimi mendon se do marrë lidhja e tyre pas daljes nga shtëpia?
Nuk mund të parashikoj dot se sa jetëgjatë do të jetë kjo lidhje dhe çfarë drejtimi do të marrë. Mund të them se si baba i saj kam dëshirë që ata të kenë jetëgjatësi si çift, por gjithçka mbetet për t’u parë. Unë mund të theksoj se Ermali është i pari mashkull në jetën e Françeskës, dhe ai është me fat. Por varet se sa do të jetë në gjendje të dijë ta vlerësojë këtë fakt. Unë jam i bindur që nga ana e Françeskës ka dashuri të pastër, dhe ajo e ka shumë të vështirë ta lërë Ermalin, pasi lidhja e parë mbetet impresionuese për gjithë jetën. Lidhja e parë mund të krijohet shumë shpejt por mbetet fiksim, ndaj them se Françeska në këtë lidhje do të jetë gjithmonë e interesuar.
Nëse Ermali dhe ajo do të vendosnin të bashkëjetonin në Tiranë, ti do e mbështesje këtë zgjedhje edhe pse Françeska është vetëm 19 vjeç?
Patjetër që unë nuk mund të ndërhyj në vendimet e Françeskës. Ajo është e shkathët dhe e zonja vetë për të vendosur në gjithçka. Françeska nuk është larguar asnjëherë nga shtëpia jonë në Vlorë, përveçse 2 muaj që mori pjesë në garën e modeleve në Tiranë. Unë jam i mendimit që, edhe pse është 19 vjeç, ajo duhet t’i dalë zot vetë vetes së saj. Kështu që këtë gjë do bëjë dhe Françeska, unë kam besim tek ajo.
Deri tani cilin nga lojtarët sheh si fitues të “Big Brother 5”?
Për mendimin tim, Françeska është më afër finales dhe natyrisht pretendente kryesore për të fituar 100 milionët. Ajo është më e aktivizuar në debat, në punët e shtëpisë, bie në sy për edukatën dhe sjelljen e saj. Është e vetmja lojtare që, edhe pse është vetëm 19 vjeç, debaton për gjithçka pa problem dhe nuk ka asnjë kompleks.
Ndërkohë që deri tani thuhet se pretendent kryesor është dhe Ermali. Do të pëlqente të ishte fitues qoftë dhe ai?
Patjetër që ai është lojtar i mirë dhe deri në këto çaste nuk shoh ftohtësi apo ndonjë largim nga njëri-tjetri për shkak të konkurrencës. Por gjithsesi nuk mund të parashikoj asgjë, qoftë dhe për fituesin. Gjithçka mund të ndodhë, pasi ashtu si publiku, edhe unë jam kureshtar të di se çfarë do ndodhë mes tyre, dhe kush e fiton “BB5”. Për momentin jam tifoz i tyre, pasi më pëlqejnë si çift.

Pop këngëtarja me famë botërore, Beyonce Knowles, është shpalluar nga revista amerikane “People”, si femra më e bukur në botë për vitin 2012.

Beyonce la pas vetës Sofia Vergara, Charlize Theron, Lilly Collins, Christina Hendricks, Michelle ëilliams.

Beyonce nuk ka fshehur gëzimin për këtë çmim. Ajo është e martuar me hip-hop artistin Jay Z dhe ka një vajzë të quajtur Blue Ivy.

“Që kur kam lindur, po ndihem mirë si asnjëherë më parë. Më se e kam gjetur qëllimin e prezencës sime në planet”, ka deklaruar Beyonce “People”.

Ju ndoshta nuk keni dëgjuar ende për të por vitin e ardhshëm në të njëjtën kohë askush prej jush nuk do të ketë mbetur pa dëgjuar për emrin e Rita Oras.

Mediat britanike e ngrejnë lart me superlativa shqiptaren e cila ka firmosur me Jaz-Z’s Roc Nation, e njëjta kontratë si Rihanna dhe pavarësisht se ajo pohon se është ndikuar nga Gwen Stefani në mënyrën e veshjes, gjithçka ngjan në fakt me Rihanna.

Më datën 6 maj Rita do të publikojë këngën R.I.P së bashku me asistencën e Tinie Tempah. Nisur nga këto foto edhe ju mund ta krahasoni vet Ritan me Rihannan

Michael Jackson ka pasur lidhje të fshehtë me Whitney Houston, ka raportuar The Sun. Jackson ka ëndërruar të martohet me Houston, shkruan e përditshmja britaneze.

Ai ka rënë në dashuri me superyllin gjatë një vizite që ka bërë ajo në fermën e Jackson në Neverland.

Truproja i Jackson ka dhënë një intervistë ekskluzive për The Sun, në të cilën ka treguar më shumë detaje lidhur me këtë çështje.

Matt Fiddes ka thënë se Michael dhe Whitney janë takuar në vitin 1991, kur të dy ishin në majat e suksesit .

Në gjithë këtë histori që rrëfen Matt, është i përfshirë edhe vëllau më i madh i Michael Jackson, Jermaine.

Një qen ka reaguar në një mënyrë mjaft prekëse gjatë takimit me pronarin e tij, i cili sapo është kthyer nga Afganistani.
Në videon e lansuar në YouTube, shfaqet qeni duke luajtur me një lodër, ndërsa më pas befasohet kur e sheh ushtarin e kthyer dhe në moment nuk mund ta fshehë entuziazmin duke i shkuar disa herë rreth e rrotull pronarit dhe duke i treguar se sa i ka munguar.

Sjellja ‘rebele’ zakonisht është karakteristikë te adoleshentët, mirëpo një foshnje ia ka treguar gishtin e mesëm babait të vet menjëherë pas lindjes.

I emocionuar me djalin e porsalindur, babai krenar mori kamerën dhe filloi ta xhirojë fëmijën teksa qëndronte i shtrirë në gjoksin e nënës.

Në këtë moment emotiv, foshnja e lëvizi dorën dhe bëri një “gjest të pakëndshëm”.

“Mos ma tregoi gishtin e mesëm?”, ka thënë babai duke qeshur.

Nuk kanë të ndalur ende polemikat pas rrahjes së reperëve të ‘labelit’ Babastars dhe liderit të OTR, Noizyt. Janë reperët nga Kosova ata që kanë vazhduar sagën, duke tentuar të sjellin fakte se Noizy ka përdorur ‘make-up’ për të mbuluar shenjat nga rrahja dhe që të dalë në videon demantuese kinse nuk ka asgjë.

Faqja zyrtare e Babastars në Facebook në një seri postimesh ka kërkuar nga Noizy që të tregojë lokacionin dhe që të dalë në një përballje tjetër. Ky i fundit nuk ka komentuar më mbi ngjarjen, por vetëm ka postuar një demo në profilin e tij ku ka pralajmëruar këngën e re.

Babastars nuk janë ndalur. Kanë sjellë edhe imazhe faktike ku sipas tyre shihen shenjat e rrahjes. Në një prej fotove ku shihet Noizy me qaforen e Getit në dorë, shkruan:

“Në sekondën 29 të klipit ku buzëp***i mundohet me demantu lajmin që ka hangër dajak, së pari Onzino (miku i Noizyt i pranishëm gjatë incidentit) duhesh me e majt nja 1 muj kapuqin… Ti tjetri (Noizy) përveç që spo mundesh me qel syrin e majt, dhëmbin prej boksit të Agonit (reperit të Babastars) ku e ki?”, shkruan në foton e publikuar nga Babastars.

Sidoqoftë, në orët e vona të së shtunës është paraqitur edhe D.U.D.A, lideri i Double G Army, ‘labeli’ binjak ky i OTR. Reperi gjilanas ka publikuar një foto ku shfaqet Geti me një sy të enjtur, me ç’rast kërkoi nga fansat që të vendosin se kush ishte më i fortë, se kush kë e ka rrahur.

Të premtën në ora 9:30 në aeroportin e Zurichut janë përleshur dy prej grupeve rivale në hip hopin shqiptar, Babastars me në krye Getin dhe OTR me në krye Noizyn, dy figura këto që një kohë të gjatë sulmojnë njëri-tjetrin me anë të këngëve, në një konflikt që jo se i shihet fundi, por mund të themi se posa ka filluar.

Këngëtarja Elvana Gjata e cila këto ditë realizoi klipin e këngës “Gjaku im” dhe po e vazhdon impenjimin e saj në spektaklin “Dancing with the Stars”, sukseset e saj nuk kanë të ndalur.

Pas përfundimit të “Dancing with the Stras” ajo ka marrë ofertë që të jetë imazh i kompanisë “Tring Digital”.

Më parë Imazh i kësaj kompanie ka qenë këngëtarja Orinda Huta.

Aktori Keanu Reeves beson se teknologjia 3D mund të rezultojë e dëmshme për industrinë filmike, ndërsa si një shembull më të freskët e ka marrë filmin“Clash of the Titans”.

Teknologjia 3D kohët e fundit është përhapur shumë në bërjen e filmave, mirëpo ylli i “Matrix” vlerëson se ka raste kur kjo teknologji është e papëlqyer.

“Kemi parë disa shembuj ku aspekti 3D i filmit nuk ka dalë në mënyrën se si është planifikuar”.

“‘Clash of the Titans’ është një shembull për të mos e bërë atë. Ishte e nxituar. Jam i sigurt se filmbërësit kanë qenë të frustruar nga filmi”, ka thënë Reeves për revistën Empire.